ٹرائل کورٹ کے جج نے چیئرمین پی ٹی آئی کیخلاف توشہ خانہ کیس کا فیصلہ جلد بازی میں دیا ہے(سی جی) توشہ خانہ کیس کی آج کی سماعت کا فیصلہ چیف جسٹس عمر عطا بندیال لکھوایا-

ٹرائل کورٹ کے جج نے چیئرمین پی ٹی آئی کیخلاف توشہ خانہ کیس کا فیصلہ جلد بازی میں دیا ہے(سی جی) توشہ خانہ کیس کی آج کی سماعت کا فیصلہ چیف جسٹس عمر عطا بندیال لکھوایا-

چیف جسٹس پاکستان عمرعطا بندیال نے کہا ہے کہ ٹرائل کورٹ کے جج نے پاکستان تحریک انصاف (پی ٹی آئی) کے چیئرمین کے خلاف توشہ خانہ کیس کا فیصلہ جلد بازی میں دیا- سپریم کورٹ میں توشہ خانہ کیس میں چیئرمین پی ٹی آئی کی اسلام آباد ہائی کورٹ کے فیصلے کے خلاف درخواست پر سماعت ہوئی-چیف جسٹس پاکستان عمر عطا بندیال کی سربراہی میں 3 رکنی بینچ نے سماعت کی – جسٹس مظاہر علی اکبر نقوی اور جسٹس جمال خان مندوخیل بینچ کا حصہ ہیں-چیف جسٹس عمر عطا بندیال نے توشہ خانہ کیس کی آج کی سماعت کا فیصلہ لکھواتے ہوئے کہا کہ ہائی کورٹ کے احترام میں عدالت کل تک انتظار کرے گی، ٹرائل کے قانونی نکات کا تقاضہ پورا ہونا چاہیے، ٹرائل کورٹ نے اختیار سماعت ہائی کورٹ کے مسترد شدہ فیصلے پر انحصار کر کے فیصلہ سنا دیا، درخواست گزار نے 342 کے بیان میں کہا کہ وہ گواہان پیش کرنا چاہتے ہیں، ٹرائل کورٹ نے چیئرمین پی ٹی آئی کی گواہان پیش کرنے کی درخواست مسترد کر دی، ٹرائل کورٹ نے درخواست اس بنیاد پر مسترد کی کہ گواہان متعلقہ نہیں، پانچ اگست کو دو یا تین بار کیس کال کر کے ایکس پارٹی فیصلہ سنا دیا گیا، یہ قانون کا سنجیدہ نکتہ ہے، سپریم کورٹ کو بتایا گیا اپیل ہائی کورٹ میں زیر التوا ہے اور اس پر سماعت ہونا ہے، اپیل کے ساتھ سزا معطلی کی درخواست بھی موجود ہے، فی الحال اس معاملے میں مداخلت نہیں کریں گے پہلے ہائی کورٹ کو فیصلہ کرنے دیں-
Cpd..