پراجیکٹ عمران خان ناکام-عالمی ہنود یہود سہولتکار گماشتے سکتے میں -خان کے بچنے کی کوئی سبیل نظر نہیں آ رہی ہے

پراجیکٹ عمران خان ناکام-عالمی ہنود یہود سہولتکار گماشتے سکتے میں -خان کے بچنے کی کوئی سبیل نظر نہیں آ رہی ہے-

عمران خان نے 2011 سے پاکستانی عوام کوگدھی گیڑے میں ڈالا ہوا ہے-جلسےجلوس پکڑ دھکڑ گھیراؤ جلاؤ دھمکیاں اور اشتعال انگیز نعرے-کبھی اپنے مخالفین کو دھمکیاں اور کبھی امریکہ بہادر کی چاپلوسیاں اور کبھی absolutely not کی گردان -حقیقت یہ ہے کہ عالمی سازش کے تحت 2011 سے ” لارنس آف عربیہ ” کی طرز پر وطن عزیز پاکستان کو معاشی اور سیاسی طور پر تباہ کرنے کی کوشش کی جا رہی ہے-اسی مکروہ مشن کے لئے عمران خان کو لانچ کیا گیا تھا- وطن کا درد رکھنے والوں نے عوام کو شروع دن ہی سے اس خطرے سے آگاہ کر دیا تھا- جب ایک سازش کے تحت جولائی 2018 میں خان اقتدار حاصل کرنے میں کامیاب ہو گیا تو لندن سازش پر عمل درآمد کروانے والوں نے پوری پیروی کی اور اپنے مقاصد حاصل کرنے کے لئے ملک کو معاشی اور سیاسی طور پر تباہ کرنے میں کوئی کسر نہ چھوڑی- چونکہ مملکت خداداد پاکستان اللہ کے نام پر وجود میں آئی ہے اس لئے اس کی حفاظت کا وعدہ بھی اللہ ہی کا ہے- پاکستان کی حب الوطنی سے سرشار بہاد اور وفادار فوج ملک دشمن سازشیوں کے آڑے آ گئی اور اپریل 2022 میں جب خان حکومت کے خلاف تحریک عدم اعتماد آئی تو فوج neutral رہی – اب خان نے neutral تو جانور ہوتے ہیں، کی رَٹ لگانی شروع کر دی اور اپنے میڈیا سیل کے ذریعے پاک فوج کی کردار کشی کی گئی اور اسے عالمی سطح پر بدنام کیا گیا-پھر 9 مئی کا سانحہ رونما ہوا اور ایک سازش کے تحت تربیت یافتہ اور تنخواہ دار ملک دشمن شرپسندوں اور دہشتگردوں کی مدد سے 22 سے زیادہ دفاعی تنصیبات کو ٹارگٹ کیا گیا-جناح ہاؤس لاہور کو جلا کر خاکستر کر دیا گیا-پشاور ریڈیو اسٹیشن اور لاہور میں عسکری ٹاور کو آگ لگا دی گئی- میانوالی میں 80 سے زیادہ جنگی جہازوں کو آگ لگانے کی کوشش کی گئی جو کہ ناکام بنا دی گئی-9 مئی کا دن ملکی سالمیت کے خلاف ایک سازش تھی جس میں اندرونی اور بیرونی عناصر شامل تھے جسے پاک فوج نے ناکام بنایا ہے مگر افسوس ہے کہ تاریخ سے نابلد لوگ اِس عالمی سازشی کو اب بھی سمجھنے سے قاصر ہیں-آؤ مل کر دعا کریں کہ اللہ میرے ملک عزیز کو بیرونی سازشوں سے بچائے اور میر جعفر صادق کی ناخلف اولادوں سے محفوظ رکھے-

الطاف چودھری
05.06.20