“آج بازار میں پابجولاں چلو۔”
آج بازار میں پا بجولاں چلو
چشمِ نَم ، جانِ شوریدہ کافی نہیں
تہمتِ عشق پوشیدہ کافی نہیں
آج بازار میں پابجولاں چلو
دَست اَفشاں چلو ، مَست و رَقصاں چلو
خاکِ برسر چلو ، خُوں بہ داماں چلو
راہ تکتا ھے سب شہرِ جاناں ، چلو
آج بازار میں پابجولاں چلو
حاکمِ شہر بھی ، مجمعِ عام بھی
صُبحِ ناشاد بھی ، روزِ ناکام بھی
تیرِ الزام بھی ، سنگِ دشنام بھی.
اِن کا دم ساز ، اپنے سِوا کون ھے ؟؟
شہرِ جاناں میں اَب با صفا کون ھے ؟؟
دستِ قاتل کے شایاں رھا کون ھے ؟؟
رختِ دل باندھ لو ، دل فگارو چلو
پھر ھمِیں قتل ھو آئیں یارو ، چلو
آج بازار میں پابجولاں چلو
”فیض احمد فیض“
Leave a Reply