قرآنی تعلیمات: ایمان، عمل اور اخلاق کی مکمل رہنمائی

قرآن مجید اللہ سبحان و تعالی کا آخری اور کامل کلام ہے جو حضرت محمد ﷺ پر نازل ہوا اور یہ انسانیت کے لیے دنیا و آخرت میں رہنمائی کا سرچشمہ ہے۔ قرآن کا بنیادی پیغام توحید، یعنی اللہ تعالی کی وحدانیت پر ایمان، نبوت، قیامت، جزا و سزا، اور نیک اعمال کی اہمیت پر مرکوز ہے۔ اللہ تعالی فرماتے ہیں: “إِنَّ هَذَا الْقُرْآنَ يَهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا ” یہ قرآن سب سے درست راستے کی طرف ہدایت دیتا ہے اور نیک اعمال کرنے والے مؤمنوں کے لیے بڑی جزا کی خوشخبری ہے” (سورہ الإسراء آیت نمبر 9) – توحید اور اللہ کی صفات: قرآن انسان کو اللہ کی وحدانیت اور اس کی عظمت پر ایمان لانے کی تعلیم دیتا ہے۔ اللہ ہر شے کا خالق اور مالک ہے اور اس کے سوا کوئی عبادت کے لائق نہیں: “وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ”انسان کی زندگی کا اصل مقصد اللہ کی عبادت اور اس کی رضا حاصل کرنا ہے”(سورہ الذاریات آیت نمبر 56)- نبوت اور ہدایت: اللہ تعالی نے انسان کی رہنمائی کے لیے نبی بھیجے تاکہ وہ صحیح اور غلط میں فرق جان سکے۔ حضرت محمد ﷺ آخری نبی ہیں، اور اللہ رب العزت فرماتے ہیں: “وَمَا أَرْسَلْنَاكَ إِلَّا رَحْمَةً لِّلْعَالَمِينَ” آپ ﷺ کو تمام عالموں کے لیے رحمت کے طور پر بھیجا گیا” (سورہ الأنبياء آیت نمبر 107) -نبیوں کی تعلیمات انسان کو ہدایت دیتی ہیں اور اسے دنیا اور آخرت میں کامیابی کی راہ دکھاتی ہیں۔ قیامت اور جزا و سزا: قرآن واضح کرتا ہے کہ دنیا فانی ہے اور ہر انسان کو اس کے اعمال کے مطابق جزا یا سزا ملے گی: “كُلُّ نَفْسٍ ذَائِقَةُ الْمَوْتِ ۗ وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ”یعنی ہر جان موت کا مزہ چکھے گی اور ہم تمہیں نیکی اور برائی میں آزمائیں گے اور پھر سب کو ہماری طرف لوٹنا ہے (سورہ الانبیاء آیت نمبر 35) – اخلاق اور معاشرتی تعلیمات: قرآن انسان کو اچھے اخلاق جیسے صبر، شکر، عدل، رحم، سچائی، حسن سلوک اور دوسروں کی مدد سکھاتا ہے: “وَقُولُوا لِلنَّاسِ حُسْنًا” (سورہ البقرة آیت نمبر 83)۔ یہ تعلیمات انسان کو معاشرتی ذمہ داریوں اور تعلقات میں بھی بہترین کردار اختیار کرنے کی ہدایت دیتی ہیں۔ عبادات اور شرعی احکام: قرآن میں نماز، روزہ، زکات، حج اور دیگر عبادات کی وضاحت کی گئی ہے تاکہ انسان اپنی زندگی اللہ کی رضا کے مطابق گزار سکے: “وَأَقِيمُوا الصَّلَاةَ وَآتُوا الزَّكَاةَ وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِنْدَاللَّهِ”یہ عبادات نہ صرف روحانی تقویت دیتی ہیں بلکہ انسان کی نظم و ضبط، صبر اور اللہ پر بھروسے کو بھی مضبوط کرتی ہیں” (سورہ البقرة آیت نمبر 110)- علم، عقل اور تدبر: قرآن انسان کو سوچنے، سمجھنے اور اپنے اعمال پر غور کرنے کی دعوت دیتا ہے: “يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا” اللہ سے ڈرو اور سیدھی بات کہو” سورہ الأحزاب آیت نمبر 70) عقل و فہم اور تدبر کے ذریعے انسان اپنی زندگی کے فیصلے بہتر انداز میں کر سکتا ہے اور روحانی و اخلاقی ترقی حاصل کر سکتا ہے۔عدالت اور معاشرتی نظام: قرآن میں معاشرتی انصاف، حقوق العباد، والدین کی عزت، یتیموں اور محتاجوں کی مدد، اور تجارتی اخلاقیات پر زور دیا گیا ہے: “وَأَوْفُوا الْكَيْلَ وَالْمِيزَانَ بِالْقِسْطِ”یعنی پیمانہ اور وزن انصاف کے ساتھ پورا کرو” (سورہ الرحمن آیت نمبر 9) یہ اصول معاشرت میں عدل و انصاف قائم کرنے کے لیے ہیں۔ تاریخی سبق اور عبرت آموز کہانیاں: قرآن میں سابق امتوں کی کہانیاں بیان کی گئی ہیں تاکہ انسان عبرت حاصل کرے اور اللہ تعالی کی ہدایت سے منحرف نہ ہو۔ جیسے قومِ نوح، قومِ عاد، ثمود، فرعون اور حضرت یوسف کی کہانیاں۔ اللہ تعالی کا فرمان ہے : “لَقَدْ كَانَ لَكُمْ فِي رُسُلِ اللَّهِ أُسْوَةٌ حَسَنَةٌ ” اللہ کے رسولوں میں تمہارے لیے بہترین مثال ہے (سورہ الاحزاب آیت نمبر 21) قدرت و کائنات کی تعلیم: قرآن انسان کو کائنات، فلک، زمین، حیوانات اور قدرت کے مظاہر پر غور کرنے کی دعوت دیتا ہے تاکہ وہ اللہ تعالی کی قدرت کو پہچانے: “أَفَلَا يَنظُرُونَ إِلَى الْإِبِلِ كَيْفَ خُلِقَتْ” کیا وہ اونٹ کو نہیں دیکھتے کہ اسے کیسے پیدا کیا گیا (سورہ الغاشیہ آیت نمبر 17) – معاشرتی اصلاحات اور خواتین کے حقوق: قرآن خواتین اور مرد کے حقوق، شادی و خاندان کے اصول، اور معاشرتی تعلقات میں توازن قائم کرنے کی ہدایت دیتا ہے: “وَعَاشِرُوهُنَّ بِالْمَعْرُوفِ”یعنی اپنے بیویوں کے ساتھ نیکی اور حسن سلوک سے پیش آؤ” (سورہ النساء آیت نمبر 19) – لہذا ثابت ہوا کہ قرآن ہر زمانے اور ہر انسان کے لیے مکمل رہنمائی کا ذریعہ ہے۔ یہ ایمان، عمل، اخلاق، عبادات، عدل، معاشرت، علم و تدبر اور روحانی ترقی کے تمام پہلوؤں پر روشنی ڈالتا ہے۔ قرآن انسان کو دنیا و آخرت میں کامیابی، سکون، اور فلاح کا راستہ دکھاتا ہے، اور ہر انسان کو سیدھی راہ پر چلنے کی دعوت دیتا ہے۔

الطاف چودھری
10.10.2025